КАуыл шаруашылығы вице-министрі Ербол Тасжүреков бастаған қазақстандық делегация Ханойдағы күріштің озық сұрыптарын өсіруге маманданған Thai binh Seed компаниясының бас кеңсесіне барды. Компания Қазақстанда өсіру үшін күріш тұқымын берді. Бұл туралы Қазақстанның ауыл шаруашылығы министрлігі хабарлады.
"Компанияның бас директоры Чан Ман Баомен кездесуде Қазақстан мен Вьетнамның ғылыми-зерттеу институттарының күріш пен жүгеріні өсіру, Қазақстанның климаттық аймағы жағдайында осы дақылдардың инновациялық сұрыптарын тәжірибелік өсіру мәселелері бойынша кооперациясы мәселесі көтерілді. Белгіленген ынтымақтастық аясында вьетнамдық компания топырақ пен климаттық аймақтың қасиеттерін ескере отырып, Қызылорда облысының аумағында өсіруге жарамды күріштің алты түрін берді", - деп хабарлады баспасөз қызметі.
Сондай-ақ Ханойда ауыл шаруашылығы саласындағы ынтымақтастық мәселелері жөніндегі қазақстан-вьетнам кіші комитетінің бірінші отырысы өтті. Оның қорытындысы бойынша тараптар ветеринария саласындағы ынтымақтастық туралы келісімге тезірек қол қоюға, сондай-ақ тауарлардың экспорты/импорты және өндірілетін өнімнің қауіпсіздігін бақылау жүйелері кезінде ветеринариялық және фитосанитариялық талаптармен алмасуға уағдаласты.
