Түркістан облысындағы егістіктер мал қаны араласқан сумен суарылуда

Желіде Түркістан облысының Сайрам ауданындағы егістіктер суарылатын қанды судың кадрлары таратылуда. Экологтар экологиялық апат пен жұқпалы аурулардың өршуіне жол бермеу үшін барлық бұзушылықтарды дереу жоюға шақырады. Бұл туралы Otyrar.kz хабарлайды.

"Сайрам ауданында жануарлардың қаны арық арқылы ағуда. Кәсіпкерлер арнайы шұңқыр қазып, сойылған жануарларды тастайды. Егер біз бұл мәселені бүгін шешпесек, бізді үлкен экологиялық апат күтіп тұр!"- деді "Байтақ Болашақ" қоғамдық экологиялық бірлестігінің президенті Ғани Назарбек.

Арықтағы су қызыл түске боялған жерге жақын жерде мал сою алаңдары орналасқан. Бұл бөкпе жер асты суларына да енуі мүмкін.

Оқиға орнына полиция қызметкерлері мен табиғат қорғау ведомствосының қызметкерлері барды. Түркістан облысы полиция департаментінің баспасөз хатшысы Гүлнар Әбдужаппарованың айтуынша, қоршаған ортаның ластану фактісі тергелуде.

"17 сәуірде оқиға орнына Сайрам ауданының полиция инспекторлары мен табиғатты қорғау отрядының қызметкері дереу барып, тиісті тексерулер жүргізді. Құқық қорғау органдары жинаған материалдар заңды шешім қабылдау үшін "Сайрам тазалық" ЖШС-на жіберілді", - деді Гүлнар Әбдужаппарова.

Экология департаментінің деректері бойынша уәкілетті органдар аталған ауданда мониторинг ұйымдастырмақ.. Егер жергілікті тұрғындардан өтініштер қайтадан келіп түссе, онда мал сою алаңында кезектен тыс тексеру жүргізіледі.