Тауарлар
Қызметтер
Тасымалдау қызметі
Қазақстан Президенті кейбір заңнамалық актілерге жылқылардың отандық тұқымдарын сақтау және өсімін молайту мәселелері бойынша өзгерістер мен толықтырулар енгізу туралы заңға қол қойды. Бұл жұмысқа бес жыл ішінде бюджеттен субсидия ретінде шамамен 700 млн теңге бөлу жоспарлануда.
Заңға қол қойылғаннан кейін Қостанай облысының әкімі Құмар Ақсақлов бизнесмендер мен барлық мүдделі отандастарды осы тұқымды қалпына келтіруге және өсіруге белсенді қатысуға шақырды.
"Біздің қостанайлық жылқы тұқымы жаңа заңның арқасында қажетті мемлекеттік қолдауға ие болады. Бүгінгі таңда "Қазақ Тұлпары" ЖШС-де 71 асыл тұқымды жылқы бар. Бұл елімізде теңдесі жоқ жалғыз қазақстандық спорттық жылқы тұқымы", - деп жазды Құмар Ақсақалов әлеуметтік желілерде.
Ол Қостанай облысында ат спортын дамыту үшін "Арғымақ" ипподромы жөнделгенін, сондай-ақ жаттығуға арналған жаңа жабық ат манежі салынғанын хабарлады.
2022 жылдан бастап өңірде жыл сайынғы жүлде қоры 95 млн теңгені құрайтын республикалық жарыстар өтуде.
"Бүгінгі таңда біздің ортақ міндетіміз олардың санын қалпына келтіріп қана қоймай, тұқымды одан әрі дамыту. Өйткені, бұл біздің ұлттық қазынамыз! Жерлестер мен бизнесмендерді Қостанай жылқыларын жандандыру ісіне белсенді қатысуға шақырамын!"- деп жазды Құмар Ақсақалов.
