ҚР Ауыл шаруашылығы министрлігінің ветеринариялық бақылау және қадағалау комитеті 9 наурыздан бастап Бразилиядан ІҚМ мен сиыр әкелуге уақытша шектеулер енгізді. Бұған Дүниежүзілік жануарлар денсаулығы ұйымының (WAHIS) осы елде ірі қара малдың ерінше тәрізді энцефалопатиясын (BSE) тіркеу туралы ақпараты негіз болды.
Ветеринариялық бақылау комитетінің деректері бойынша Қазақстанға Бразилия аумағынан мынадай тауарларды әкелуге және транзиттеуге тыйым салынады:
- тірі ірі қара мал;
- ірі қара малдың қаны мен құрамында қан бар өнімдері;
- сүйектегі сиыр еті;
- сиырдың сүйек өнімдері;
- тазартылған қабықтарды қоспағанда, ірі қара малдан алынған ішек шикізаты;
- механикалық сүйектен алынған сиыр еті;
- 30 айдан асқан ірі қара малдан алынған сүйексіз сиыр еті;
- сүт ақуыздарын қоспағанда, құрамында өңделген ірі қара ақуыздары бар өнімді мал азығына және өнімді мал азығына арналған өңделген ірі қара ақуыздары.
Айта кетейік, Бразилиядан мұздатылған сиыр еті ең арзан болып табылады және оны әлемнің көптеген елдері, соның ішінде Қазақстан импорттайды.
Тауарлар
