Қазақстанда тұрақтандыру қорларына форвард әдісімен азық түлік сатып алу ұлғаяды

Қазақстан Ауыл шаруашылығы министрлігі әлеуметтік маңызы бар азық-түлік тауарларына бағаны тұрақтандыру тетіктерін іске асыру қағидаларына өзгерістер әзірледі. Атап айтқанда, форвардтық сатып алуды қолдана отырып, өңірлік тұрақтандыру қорларына сатып алынатын тауарлардың тізбесін кеңейту жоспарлануда. Ауыл шаруашылығы министрлігі қаулысының жобасы "Ашық НҚА" порталында орналастырылған.

Өңірлік тұрақтандыру қорларына өнім ауыл шаруашылығы өндірушілері мен өңдеушілерден форвард әдісімен немесе белгіленген бағаны белгілей отырып, қарыз бере отырып сатып алынатын болады.

Сатып алынатын өнімдердің тізбесіне келесілер кіреді: көкөніс өнімдері, тауық жұмыртқасы (I санат), қарақұмық жармасы (дән), ажарланған күріш (дөңгелек дәнді), күнбағыс майы, бірінші сұрыпты бидай ұны, ақ қант, жұмсақ қаптамадағы майлылығы 2,5%, пастерленген сүт, жұмсақ қаптамадағы майлылығыы 2,5% айран, сары май (тұздалмаған, кем дегенде 72,5% май, толтырғыштар мен өсімдік майлары жоқ), майлылығы 5-9% сүзбе, бірінші сұрыпты ұннан жасалған бидай наны (пішінді), тауық еті (мәйегі бар жамбас және жіліншік сүйегі), сиыр еті (сүйектері бар жауырын-төс бөлігі), мүйізшелер (өлшенетін) және тағамдық ас тұзы ("Экстраны" қоспағанда).

Форвардтық қаржыландыру шарт сомасының 70%-дан аспайтын мөлшерде алдын ала төлем және өнім жеткізілгеннен кейін түпкілікті есеп айырысу шарттарында жүзеге асырылатын болады.

Аталған шарттарда тұрақтандыру қорлары халықтың үш айлық қажеттілігінің 50%-на дейінгі көлемде әлеуметтік маңызы бар азық-түлік тауарларының қорын қалыптастыратын болады.