Қытайлық Wanlin Group компаниясы Жамбыл облысында тамшылатып, жаңбырлатып суару қондырғылары мен жылыжай жабдықтарын өндіру бойынша жобаларды іске асыруды жоспарлап отыр. Сондай-ақ, компания пиязды қайта өңдеуді іске қосуға мүдделі. Кездесуде өңір әкімі Ербол Қарашөкеев, компания президенті Ли Янтау және директорлар кеңесінің мүшесі Ли Хиннан ынтымақтастық мәселелерін талқылады.
Ли Янтау пиязды қайта өңдеу жобасын ұсынды. Компания кептірілген ақ пияз өндірісін бастауға, сондай-ақ отырғызу, терең өңдеу және экспорттау бойынша барлық іс-шараларды жүзеге асыруға мүдделі.
Инвестор пиязды жергілікті фермерлерден сатып алуға, сондай-ақ оны өз бетінше өсіруге ниетті. Биылғы жылы облыстың Жамбыл, Қордай және Шу аудандарында тәжірибелік тәртіпте пияз отырғызылды.
Ли Янтау егер жоба іске қосылса, ол 10 жыл ішінде осы бағытта әлемдегі ең жақсы жоба болатынын айтты. Өнімдерді АҚШ пен Еуропаға экспорттау жоспарлануда.
Ербол Қарашөкеев қазақстандық пияздың 80% дәл Жамбыл облысында өсірілетініне назар аударды. Егер экспортпен бірқатар мәселелер шешілсе, бұл көрсеткішті айтарлықтай арттыруға мүмкіндік бар.
Өңір басшысы жергілікті атқарушы органдар жобаны қолдауға дайын екендігіне сендіріп, жауапты тұлғаларға тиісті нысанды іздеу жөнінде нақты тапсырмалар берді.
