Ұлытау облысында АӨК-де жалпы сомасы 7 млрд теңгеге алты инвестициялық жобаны іске асыру жоспарлануда. Олардың қатарында ірі мал шаруашылығы кешенін іске қосу бар. Бұл туралы облыс әкімінің баспасөз қызметі хабарлады.
"Статистикаға сәйкес, бізде жоғары логистикалық шығындар мен ірі агроқұрылымдардың болмауына байланысты еліміз бойынша әлеуметтік маңызы бар азық-түлік тауарларына ең жоғары бағалар бар. Аймақ өзін тек үш түрлі өніммен қамтамасыз етеді, қалғандары көрші аймақтардан әкелінеді. Осыған байланысты агроөнеркәсіптік кешен саласында алты инвестициялық жобаны іске асыру көзделген", – деді облыс әкімі Берік Әбдіғалиұлы.
Оның айтуынша, өңірде Жаңаарқа ауданында сою цехы бар 10 мың бас малға арналған мал шаруашылығы кешені, Жезқазғанда құс етін өндіру бойынша құс фабрикасы, Сәтбаевта құс етін өңдеу жөніндегі сою цехы ашылады, Жезқазғанда ұн тарту кешені жаңғыртыады, кемінде 400 га алаңда картоп пен көкөніс өсіру, 100 га алқапта жемдік ауыспалы егіс жасай отырып, құрғақшылыққа төзімді жемшөп дақылдары енгізіеді.
Әкімдіктің мәліметінше, бұл жобаларды іске асыру ішкі нарықты құс етімен, сүт өнімдерімен, картоппен және көкөніс өнімдерімен 30% қамтамасыз етуге мүмкіндік береді.
Бұдан басқа, облыста бағаны тұрақтандыру үшін өңірлік тұрақтандыру қоры құрылды, оның жұмысына 1,6 млрд теңге бөлінді. Қазіргі уақытта тұрақтандыру қорына 4,5 мың тоннадан астам өнім сатып алынды.
