Қазақстан фермерлері сақтандыру сыйлықақысының 80% мөлшеріндегі сомасын субсидиялау түрінде мемлекеттік қолдаумен ІҚМ, ҰММ, жылқы, шошқа және құстарды сақтандыра алады. Ағымдағы жылы сақтандыру компаниялары 66 бас ІҚМ аурудан және уланудан өлгені үшін 37 млн теңге төледі. Бұл туралы Аграрлық несие корпорациясында хабарлады.
"Тәжірибе көрсеткендей, АӨК-дегі қолданыстағы сақтандыру жүйесі қолайсыз табиғи құбылыстар, соның ішінде жануарлардың өлімі мен аурулары кезінде шығындарды жабуға кепілдік береді. Бұл механизм фермерлердің пайдасына сәтті жұмыс істеуде", - деп атап өтті АНК.
Сақтандыру процесі Kezekte.kz платформасында онлайн режимінде жүреді https://kezekte.kz/. Онлайн жүйеге қол жеткізу үшін фермерде ЭЦҚ болуы қажет.
Бүгінгі таңда жануарларды сақтандыруды Nomad Insurance, Freedom Finance Insurance және Amanat сақтандыру компаниялары жүзеге асырады. Жұқпалы және аса қауіпті аурулардың, жазатайым оқиғалардың, қауіпті табиғи құбылыстардың, оның ішінде су тасқынынан, дүлей зілзалалардан, өрттен және ұрлықтан сақтандырып қорғау ұсынылады.
Фермерлер жануарлар мен құстарды өз шаруашылығының аумағында да (әдеттегі қамту), сондай-ақ 5 км радиуста (кеңейтілген қамту) көрші шаруашылықтардың аумағында аса қауіпті аурулардың өршу қаупінен сақтандыра алады. Сақтандыру тарифінің мөлшері сақтандырылған жануарлар мен құстардың санына, сақтандыру аумағына байланысты және сақтандыру сомасының 1,54% - дан 9,85% - на дейін құрайды.
Сақтандырудың негізгі шарты жануарларды ауыл шаруашылығы жануарларын бірдейлендіру жүйесінде (АШБЖ) міндетті тіркеу болып табылады. Сондай-ақ сақтандырылатын мал басының саны бойынша шектеу бар - бұл ІҚМ қоспағанда, кемінде 30 бас жануарлар мен құстарды сақтандыру, олар үшін кемінде 10 бас көзделген.
Сақтандыру жағдайы басталған кезде сақтандыру төлемі жануарларды алып қойған жағдайда шартсыз франшиза мен мемлекет өтемақысының мөлшерін шегергенде залал мөлшерінде жүзеге асырылады.
