Агиндік қой тұқымы (Agynskaya)

Тарихы

Агин тұқымы Забайкальский жіңішке жүнді, Қазақ, Қарғалы жартылай қылшық жүнді және Кучугуров қылшық жүнді қойларын күрделі жаңғырту мақсатында будандастыру арқылы өсірілді. Бұл Ресейдегі ең жас қой тұқымдарының бірі. Агин қой тұқымының саны 13,6 мың басты құрайды. Агин тұқымы 2007 жылы Мемлекеттік тізілімге енгізілген.

Тұқым стандарты

Барлығының түсі әдетте ақ. Тұмсықтарындағы, құлақтарындағы және аяқтарындағы жабын жүндер ашық сұр түсті болуы мүмкін. Қойлары тоқал, қошқарлары мүйізді. Жануарлар үлкен, конституциясы мен қаңқасы мықты, жақсы дамыған. Бас пішіні қоңқақ мұрынды, құлағы үлкен, салбырап тұрады. Қойлардың орташа салмағы 50 кг-нан асады, қошқарларда 90-110 кг.

Шаруашылық сипаттамасы

Өнімділігі орташадан төмен - 105-110%. Төлдерінің өміршеңдігі 97% жетеді. Тұсақтары жыныстық жетілуге 7-9 айда жетеді. Оларды көбеюге жіберуге 18 айлық жастан бастап рұқсат етіледі. Жоғары өсу энергиясы тоқты қошқарларды 6,5 айға дейін шамамен 45 кг немесе одан да көп тірідей салмақпен және 50% сойыс түсімімен өсіруге мүмкіндік береді. Агин тұқымы экологиялық таза және арзан қой етін алу үшін қолданылады. Агин тұқымды қойлардың жүні жоғарғы класқа жатады. Жүнінің құрылымы өрілген тәрізді. Жүн қырқымы аналықтарында 1,5-1,8 кг және қошқарларда 2,0-2,5 кг, талшықтардың ұзындығы 13-16 см. Жуылған жүннің түсімі 60-65% құрайды. Олардың жүнінен мәуіті, трикотаж және кілем бұйымдары жасалады. Қой терісі тон жасау үшін қолданылады.

Ұқсас тұқымдар

Буубэй