Ағылшынның үлкен ақ шошқасы (Үлкен ақ) (English big white)

Тарихы

Тұқым ХІХ ғасырдың аяғында Англияда жергілікті шошқаларды ерте жетілетін Қытай және португал тұқымдарымен будандастыру арқылы өсірілді. Шошқалардың жерсінуі жақсы, сондықтан олар Еуропаның, Канаданың, АҚШ-тың, Жапонияның, Қытайдың, Кореяның, Жаңа Зеландияның көптеген елдерінде кең таралған.

Тұқым стандарты

Шошқалардың конституциясы мықты. Кеудесі мен арқасы кең және мықты. Тұмсығының профилі сәл ойыс, басы үлкен. Сан еті өте үлкен, толарсақ буынына дейін түсіп тұрады. Құлақтары кішкентай, серпімді, басына салпылдап тұрмайды. Қалың қылтандары бар. Түсі ақ. Мегежіндер 250 кг-ға дейін, ал қабандар 400 кг-ға дейін салмақ қосады. Денесінің ұзындығы 160-тан 190 см-ге дейін. Шошқалар 200-205 күнде 100 кг-ға дейін өседі.

Шаруашылық сипаттамасы

Үлкен ақ ағылшын тұқымының шошқалары бір торайлағанда 12-ден 15-ке торайға дейін дүниеге әкелуі мүмкін. Олар жақсы аналық қасиеттерімен және жоғары сүттілігімен ерекшеленеді. Жануарлар өте тез өседі және 6 айлық жасында олардың салмағы шамамен 60 кг құрайды. Ересек бордақыланған шошқалардың сойыс шығымы 89% құрайды. Жас жануарлардың еті өте нәзік, май қабаттары бұлшықет тінінде біркелкі үлестірілген. Ал кәрі жануарлардікі – қаттылау, майлы, бірақ майы жақсы. Сан етінің салмағы 10-11 кг, шпик қалыңдығы шамамен 25 мм.

Ұқсас тұқымдар

Қысқа құлақты ақ (Short-eared white).