Қара бенгал ешкі тұқымы (Black Bengal)

Тарихы

Қара бенгал – бұл Үндістан аумағында таралған ешкілердің байырғы жергілікті тұқымы. Көбінесе оны Батыс Бенгалияда, Ориссада, Бихарда және елдің бүкіл солтүстік-шығысында кездестіруге болады. Бұл тұқым XVIII ғасырдың басында-ақ әйгілі болды.

Тұқым стандарты

Тұқымға тән ерекшеліктер – маңдайы кең, мүйіздері көлемді, тұрқы мен аяқтары қысқа. Бұл қара немесе қара-қоңыр түсті, қысқа жүнді кішкентай жануарлар, олардың орташа бойы 50 см құрайды. Олардың дене құрылысы айтарлықтай морт, бірақ сонымен бірге мықты және пропорционал, арқасы түзу және кеудесі дөңес, цилиндр тәрізді мүйіздерінің ұзындығы 5 см-ден 12 см-ге дейін, құлақтары кішкентай, салбыраған. Қара бенгал ешкілерінің жүні қысқа, жұмсақ және жылтырайды.

Шаруашылық сипаттамасы

Үлкен текенің салмағы - 25-30 кг, ешкінің салмағы 25 кг дейін жетеді. Бір ретте ешкілер 1-ден 2-ге дейін, өте сирек 3 лақ әкеледі, олардың салмағы 800–1100 грамм болады, бірақ 4-4,5 айлығына қарай салмағы 8-9 кг жетеді. Бұл тұқымның ешкілері жақсы сүт өнімділігіне қабілетті емес, сондықтан сүттің орташа статистикалық сауыны тәулігіне 400-700 г шамасында ауытқиды, ал 110-125 күн жалғасатын сауын мезгілінде қара бенгал ешкілері шамамен 35-60 кг әкеледі. Қара бенгал ешкілерінің еті нәзік және майлы емес. Тұқымның артықшылықтары: шағын көлемдері, олар күтіп ұстау үшін көп кеңістікті талап етпейді, тыныш, салмақты мінезі, азық талғамауы, мықты иммунитеті, тәтті еті. Тұқымның кемшіліктеріне: төмен сауын жатады, тұяқтарының жарақаттану қаупі бар.

Ұқсас тұқымдар

Чантоханги (Changthang)