Брама (Brama)

Тарихы

Брама он тоғызыншы ғасырдың екінші жартысынан бастап жиырмасыншы ғасырдың ортасына дейін жетекші етті тұқым болып саналды. Үндістан аймағының атымен аталғанымен, тұқым негізінен Америкада дамыды, онда селекционерлер Азиядан шыққан Малай тауықтарымен салмағы 6,3 кг болатын Сұр Читтагонгтың үлкен дарасын будандастырды. Атлант мұхитының екі жағында да Брамдардың танымалдығы Джордж Бернхэм патшайым Викторияға бірнеше құсты сыйға тартқаннан кейін арта түсті.

Тұқым стандарты

Брамдардың үш негізгі қауырсындану түрі болады: ашық, күңгірт және қуқыл сары (буфф). Олардың әрқайсысында негізгі түсінің үстінен күрделі түс үлгілері өтеді және барлық үш түрдің де аяқтар, соның ішінде табандары да жүнмен қапталған. Денесіне тығыс қабысқан қауырсындары мен төменгі қалың жүн қабаты құсты одан әрі айбарлы етеді, сондықтан көрмеге арналған құс үлгілері шын мәнінде үлкенірек болып көрінеді. Олардың басы үлкен, қасы салбыраңқы, кәдімгі қызыл бұршақ тәрізді айдары бар, сақалы орташа және сырғалықтары ұзын. Селекционерлер әр түрлі түстегі Барм вариацияларын шығарды, олар әлі де ресми танылуын күтуде. Әтештің салмағы: ауыр, 3,6 кг-нан жоғары. Тауықтың салмағы: ауыр, 3,6 кг-нан жоғары.

Шаруашылық сипаттамасы

Брама кішкентай тауық қорасында өзін жақсы сезінеді және үлкен алаңды қажет етпейді. Дегенмен, тауық балапандарын таптап кетпеуі үшін тауық қора жеткілікті мөлшерде үлкен болуы керек. Осы себепті кішкентай балапандардың жұмыртқа жарып шыққаннан кейінгі алғашқы күндердегі қауіпсіздігін бақылау маңызды. Бұл тауық суыққа жақсы төзеді және солтүстік ендіктерге жақсы бейімделе біледі, бірақ оның тығыз қауырсындануы оңтүстік аймақтарда сәтті өсіруге кедергі болып табылады. Жұмыртқалағыштығы: төмен, жылына 150 данаға дейін. Жұмыртқа өлшемі: орташа 45-60 гр. Жұмыртқа сала бастауы: орташа 6-8 айында.

Ұқсас түқымдар

Ақ Кохинхин (Cochinchin white chicken), Кекілік тәрізді Кохинхин (Partridge cochinchin chick).