Қара-қоңыр (Black and brown)

Тарихы

Қара-қоңыр тұқым 1948 жылы бекітілген. Зоотехник Ф.В. Никитиннің басшылығымен "Бирюлинский" үлпек жүнді жануарлар өсіретін кеңшарында үш тұқымның қояннын будандастыру арқылы өсірілді: фландр, ақ алып және веналық көк.

Тұқым стандарты

Қара-қоңыр тұқымды қояндар, үлкен, ерекше түске ие, ерте жетілетіндігімен және еттілігімен ерекшеленеді, континенттік климатқа жақсы бейімделген. Бұл тұқымның қояндарының тірідей салмағы орта есеппен 5 кг, денесінің ұзындығы 61 см, кеуде айналымы 37 см. Бұл тұқымның қояндарына күшті конституция, ұзынша дене, мықты қаңқа, терең кеуде, дамыған сауыр сипатты, әсіресе аналықтарында жақсы байқалады. Басы үлкен, құлағы ұзын, жалпақ. Кеудесі дөңгелек, аяғы жуан және ұзын. Жамылғы түгі өте қалың, қара-қоңыр түсті. Оны қара бағыттаушы және қалың қара жамылғыны жасайтын аймақтық боялған, жылтыр ұштары бар қылшықты түктер және қоңыр ұштары бар аспид түстес түбітті түктер құрайды. 4 айға қарай қояндар қара болады, содан кейін олар қоңырға айналады.

Шаруашылық сипаттамасы

Қояндардың туылғанда салмағы 81 гр болады. Олардың өсу энергиясы жоғары, олардың тірідей салмағы: 2 айда – 2,4 кг, 3 айда – 3,5 кг, 4, айда – 4,3 кг жетеді, осы жаста сою өнімділігі 56-63% құрайды. Қояндар тұтынатын азығын жақсы ақтайды. 2 айдан 3 айға дейін қояндар тірідей салмақтың 1 кг өсіміне 3-тен 4 кг-ға дейінгі жем бірлігін тұтынады. Аналықтардың орташа өсімталдығы - 7-9 көжек, жас жануарлардың орташа тәуліктік өсімі – 39 гр. Аналықтарының сүттілігі орташа.

Ұқсас тұқымдар

Рейн (Rhenish rabbit), Сатин (Satin), Күміс түстес (Silver). Хальстландер (Hulstlander)