Флорида ешкі тұқымы (Флорида)

Тарихы

Флорида - тамыры ХХ ғасырдың бас кезінен бастау алатын, Төменгі Гвадалквивира алқабынан шыққан сүтті ешкі. Алайда тұқым ресми түрде 1984 жылы ғана танылды. Флориданың шығу тегі Нубия аралындағы Нубиялық тұқымның Гвадалквивира алқабындағы Испандық Пиреней ешкісімен бірігуіне негізделген. Флорида тұқымы бастапқыда Гвадалквивирамен шектесетін, Севильяға жақын жерлерде ғана кең таралған. Қазіргі уақытта бұл тұқым Андалусияда, Экстремадурада, Кастилия-Ла-Манчада және Кастилия-Леонда кең таралған.

Тұқым стандарты

Тұқым орташа-ауыр типке жатады. Флорида тұқымының ешкісі - жоғары сергектік, күш пен нәзіктікті көрсететін, дұрыс дене бітіміне ие және сүт сауымы жоғары әдемі жануар. ​Түстерінің гаммасы қызыл фонда теңбілді немесе керісінше, сонымен қатар, қара фонда ақ түсті және керісінше болады.

Шаруашылық сипаттамасы

Флорида тұқымының ересек серкесінің салмағы 65-80 кг, ал ешкісінікі 45-60 кг дейін жетеді. Ең алдымен, бұл тұқым сүт өндіру үшін қолданылады. Бірінші қоздаудан кейін ешкілер орта есеппен 150 күндік лактация кезінде 496,8 кг сүт береді. Екінші қоздаудан кейін және одан кейін 210 күндік лактация кезінде 915,32 кг сүт. Соңғы екі жылдағы статистика көрсеткендей, көптеген ешкілер лактацияның 310 күнінде 1108,21 кг сүтке дейін берген. Сүттің орташа құрамы: май — 5,4%, ақуыз — 3,35%, лактоза — 4,5%, құрғақ сығынды — 14,0%. Флорида тұқымының өкілдері өте мейірімді, жұмсақ мінезді жануарлар. Азық таңдауда бапшыл емес. Испанияда олар негізінен сабан, шөп және астық қоспаларымен қоректенеді.

Ұқсас тұқымдар

Ақ чех ешкісі (Czech White), Британдық тоггенбург ешкі тұқымы (British Toggenburg), Гернзиялық алтын ешкі тұқымы (Golden Guernsey).