Балық
Жануардың түріБақтақ алабұға
Тұқымның атауы
Басс Солтүстік Америка фермаларында тауарлық балық шаруашылығы және спорттық балық шаруашылығы нысаны ретінде пайдаланылады. Ресейге өткен ғасырда Еуропадан князь Горчаковтың шаруашылығына Киевщинадағы Коростышево селосына әкелінген болатын, онда жергілікті су қоймаларында спорттық аулау үшін өсірілді. 1936 ж. ол Новороссийск түбіндегі Абрау көлінде байқалған болатын, оған 1902 жылы шамасы князь Горчаковтың шаруашылығынан "Абрау-Дюрсо" шаруашылығы жұмыскерлерінің біреуі әкелген 4 данасы жіберілген болатын. Бұл көлден 1940 жылы бақтақ алабұғасын Фастовецкое және басқа тоғанды шаруашылықтарға әкелді.
Температуралық режим 26-30 градус, барлық жағдайлары мен қоректенуі қолайлы болғанда, тіршілігінің бірінші жылында дарақтары 0,5 кг жетеді. Ал екінші жылында 2 кг дейін жетеді. Бақтақ алабұғасының максимум салмағы шамамен 12 кг. Бақтақ алабұғасының массасы 10 кг және ұзындығы 1 м жетеді. Тереңдігі 3-4 м, соның ішінде тұзды суы, тұнбалы түбі бар су қоймаларында жақсы мекендейді. Ерте, бір жасында, бірақ көбінесе 3 жасында жетіледі.
Бақтақ алабұғасының уылдырық шашуы кезінде 5 ретке дейін уылдырық шашуы мүмкін. Бір ұрғашысы 25 мыңға дейін құртшабаққа өмір беруі мүмкін. Жылы жағдайларда бір жасының өзінде құртшабақтары дүниге келеді. 1 кг салмағына 45 мыңға дейін уылдырықтан келеді. Олар 19-25 градуста уылдырық шашады. Уылдырықтарының жетілуіне судың температурасы әсер ететін болады. Басстың еті майлы емес, дәмдік қасиеттері өте жақсы, ханбалықтың етіне ұқсастығы бар. Оны спорттық балық аулаумен айналысқанда аулап алады.
