Голландиялық жегін жылқысы (Жүк жылқысы) (Dutch draft)

Тарихы

Голландиялық жегетін аттар Нидерландта шығарылған. Олардың дене құрылысынан ауыр жұмыстарға бейімделгені бірден көрінеді.

Тұқым стандарты

Жылқылардың қадамы баяу, тұрқы әрдайым теңселіп тұрады, бұл жылқылардың ауыр жұмысқа өте жақсы бейімделгенін тағы бір рет дәлелдейді. Бірақ бұл жылқылардың желісі ерекше жеңіл және жігерлі. Жылқылардың мінезі жұмсақ, олар сабырлы, көнгіш және шыдамды. Олар үлкен төзімділік пен керемет күшке ие, бұл олардың өте үлкен жүктерді ұзақ ара қашықтықтарға тасымалдауына мүмкіндік береді. Олардың бойлары 163-165 см (биелер), 165-170 см (айғырлар). Басым көпшілігінде жирен буырлы түсті, бірақ торы, кейде сұр немесе сұр буырлы түсті болады. Жылқылардың құйрықтарын әдетте кеседі - бұл дәстүр ежелден бері қалыптасқан, бірақ тәжірибелік маңызы бар: жұмыс істеген кезде ұзын құйрығы ластанады да, оған ошаған (тікенекті өсімдік) жабысып қалады. Қысқа құйрығы жұмыс кезінде мүлдем кедергі келтірмеген (ауксуа тұқымының жылқыларына да құйрықтарын кеседі). Жылқылардың салмағы 750 кг-нан 1200 кг-ға дейін болуы мүмкін.

Шаруашылық сипаттамасы

Голландиялық аттар даладағы жұмыстар және ауыр жүктерді тасымалдау үшін арнайы өсірілген. Голландиялық аттар – ең ауыр аттардың бірі. Оның дене құрылысы мықты, тұрқы ірі және аяқтары өте үлкен.

Ұқсас тұқымдар

Владимир ауыр жүк таситын жылқысы (Vladimir heavy truck). Кладруб жылқысы (Кладруб) (Kladruber horse), Ауксуа (Auksua), Вятка жылқысы (Vyatskaya).