Холмогор қаз тұқымы (Kholmogory goose)

Тарихы

Холмогор қаздары Қытай және Арзамас қаз тұқымдарын будандастыру арқылы шығарылды. Холмогор қаздары ең көне тұқымдардың бірі болғандықтан, тұқымның шығу тегінің жалғыз нұсқасының дұрыстығына 100% сенімді бола алмайсыз.

Тұқым стандарты

Холмгор қаздары мығым дене бітімімен, көлденең массивті денесімен, ұзын түзу арқасымен және кең екі жағы шығыңқы кеудесімен сипатталады. Тұмсығы қызғылт сары, өте мықты, сәл дөңес келеді. Бұл тұқым өкілдерінің айрықша белгісі –маңдайдағы қызғылт сары түсті дүрдиген дөңес. Құстардың ақ және сұр қалың қауырсындары бар. Холмгор қаздарының тағы бір ерекшелігі – тамағында бұғағының болуы, оны кейде «әмиян» деп атайды. Табан сүйегі сарғылт-қызыл түсті. Ересек еркек үйректердің максималды салмағы 12 кг-ға, аналықтарынікі 8 кг-ға дейін жетеді.

Шаруашылық сипаттамасы

Холмогор қаздары азыққа күй талғамаушылығымен және ауруларға төзімділігімен ерекшеленеді. Олардың етінің, майының, мамығы және қауырсын сапасы жақсы. Бұл тұқымның қаздары – жақсы ұябасарлар, олар керемет аналық түйсігімен ерекшеленеді. Қаздың салмағы неғұрлым аз болса, соғұрлым ол көбірек жұмыртқа салады және жақсы басады. Орташа есеппен, жылына 1 холмогор аналығы 30 жұмыртқа салады, жұмыртқасының салмағы орта есеппен 180-200 г құрайды. Балапандардың шығымы 50-55% құрайды. Жас қаздар тез салмақ қосып, сою кезінде (шамамен 9 аптада) 4-4,5 кг салмаққа жетеді. Қаздардың тұмсығының үстіндегі дөңес тек 5-6 айына дейін шығады, ал «әмиян» кейінірек пайда болады. Олар өмірдің үшінші жылында ғана жыныстық жетіледі.

Қызықты мәлімет

Холмогор тұқымының қаздары ұзақ өмір сүреді. Егер басқа тұқымдардың өмір сүру ұзақтығы 5-6 жылдан аспаса, холмгорлар 15-17 жыл өмір сүреді. Тіпті осы жаста да олар сәтті жұмыртқа салып, балапан басады.

Ұқсас тұқымдар

Арзамас тұқымы (Arzamas).