Қытай алабұғасы (Ауха) (Chinese perch)

Тарихы

Ауха балығы Қытайда ерте заманнан бері әйгілі. Ол әсіресе Тан династиясы басқарғанда 618 жылдан бастап 907 жылға дейін танымал болды және поэтикалық шығармаларда өте жиі айтылды. Осы уақытқа дейін бұл тұщы су балығы Қытайда танымал тағам болып табылады.

Тұқым стандарты

Қытай алабұғасының тым жоғары бүкірейген денесі болады, ол бүйірлерінен қатты жаншылған. Оның жоғарғы жүзбеқанаты қосарлы, сонымен бірге алдыңғы бөлігі қысқа және артқысына қарағанда өте көп тікенді, артқысы әдәуір ұзынырақ және оның тікендері аз. Басы үлкен, аузы өте ірі, жоғарғы жағы төменгі жағынан әдәуір қысқарақ. Қытай алабұғасы ұзындығы 70 см-ге дейін өсуі және салмағы 9 кг жетуі мүмкін.

Шаруашылық сипаттамасы

Қытай алабұғасы ұсақ және аз бағалы балықпен қоректенеді. Ұрғашылары тіршілігінің бесінші жылында жыныстық жетіледі, денесінің ұзындығы 32-34 см болады. Ал ұрғашылары ұзындығы 25-30 см болып, үш жасында жыныстық жетіледі. Жыныстық жетілген соң балық жыл сайын уылдырық шаша бастайды. Балық өзінің көлеміне байланысты 48-ден 379 мыңға дейін, орта есеппен 160 мыңға жуық уылдырық шығарады. Балықтың уылдырықтары түбінде жататын, қалқымалы және ірі емес, 2 мм жуық, сыртында олар қалың қабықшамен жабылған, ал ішінде май тамшысы болады. Бұл алабұға 10 жылдан артық тіршілік етпейді.

Шаруашылықтарда өсірудің практикалық тәжірибесі

1990-шы жылдары Қытайда тормен аулап өсіру технологияларын дамытуда кенет көтерілу болды. Көптеген жаңа түрлері өсірілді және арнайы рецептуралармен әзірленген жемдер қолданылды. Өсірілетін түрлерінің арасында қытай алабұғасы да болды. Ол аквамәдениеттің фермерлік шаруашылықтарында табысты өсіріледі, оны өсіру бойынша жетекші орынды Гуандун провинциясы алады.

Ұқсас түрлері

Алабұға, Ханбалық алабұға (Басс).