Латвиялық ақ (Latvian White)

Тарихы

Латвиялық ақ шошқа тұқымы - өнімділіктің ет бағытындағы шошқалардың мамандандырылған тұқымы. Тұқым 1957 жылы Латвияда ірі ақ және ішінара ақ қысқа құлақты шошқалармен жергілікті шошқаларды будандастыру арқылы өсірілді. Қазіргі уақытта латвиялық ақ тұқымды шошқалар Латвияда, сондай-ақ Ресейдің солтүстік-батысында өсіріледі. Тұқым ландрастармен будандастыру кезінде өзін жақсы көрсетті. Бүгінгі таңда латвиялық ақпен асыл тұқымдық жұмыс конституцияны нығайтуға, жануарлардың ет және бордақылау қасиеттерін жақсартуға бағытталған.

Тұқым стандарты

Жануарларға өте күшті конституцияға ие. Конституциясы мен сыртқы түрі бойынша Латвиялық ақ шошқалар ірі ақ тұқымды шошқаларға ұқсайды. Латвиялық ақ тұқымды шошқалардың денесі ұзынша келген. Қабандардың денесінің ұзындығы 178 см, кеуде айналымы 163 см. Мегенжіндерде сәйкесінше 156 және 147 см. Кеудесі кең, терең. Басының көлемі орташа, бет кескіні сәл ойыс және құлақтары тік. Арқасы түзу немесе сәл иілген. Артқы жағы ұзын, жалпақ, саны еті үлкен, өте айқын. Аяқтары күшті, дұрыс орналастырылған. Терісі ақ, жуан қылшықтармен жабылған. Шошқалар әдетте ақ түсті болады. Ересек қабандардың салмағы орта есеппен 312 кг, мегежіндер - 236 кг.

Шаруашылық сипаттамасы

Мегежіндердің өсімталдығы бір төлдеуде 11-12 торайды құрайды. Сүттілігі шамамен 70-75 кг құрайды. Қарқынды бордақылау кезінде шошқалар 100 кг салмаққа алты айға қарай, әдетте 190-200 күнге қарай жетуі мүмкін. Жас жануарлардың тірідей салмағының орташа тәуліктік өсімі 700-750 грамм. Еттің түсімділігі шамамен 60% құрайды, бұл өте жоғары көрсеткіш болып табылады. Латвиялық ақ шошқалар тұқымының артықшылығы - күшті конституция, мегежіндердің өнімділігінің жақсы көрсеткіштері, ет түсімі жоғары (шамамен 60%).

Ұқсас тұқымдар

Қысқа құлақты ақ (Short-eared white), Үлкен ақ (Large white), Йоркшир (Yorkshire pig breed, Литвалық ақ (Lithuanian white).