Неміс ақ жетілдірілген ешкі тұқымы (German Improved White)

Тарихы

Неміс ақ жетілдірілген ешкісі — қысқа түкті мүйізсіз тұқым, ақ жергілікті ешкілерді Заанен тұқымының серкелерімен будандастыру нәтижесінде алынған. Негізгі өсіру аймақтары Гессен, Рейнланд-Пфальц, Солтүстік Рейн-Вестфалия, Шлезвиг-Голдштейн, Олденбург, Солтүстік Ганновер, Саксония, Саксония-Анхальт, Бранденбург, Мекленбург, Баден - Вюртемберг, Солтүстік Бавария. Тұқым 1928 жылдан бері бар.

Тұқым стандарты

Неміс ақ жетілдірілген ешкісінің өкілдері орташа өлшемді, дене тұрқы жақсы, азық талғамайды, желіні жақсы дамыған, пішіні шыныаяқ тәрізді және сүт өнімділігі жоғары. Түсі ақ, мұрында, құлақтарында және желінінде аздап пигменттердің болуына жол беріледі. Мүйізді және мүйізсіз болады. Жүні қысқа және тегіс.

Шаруашылық сипаттамасы

Серкелердің шоқтығының биіктігі 85-90 см, ешкілерде 70-75 см, тірідей салмағы сәйкесінше 85-100 және 50-70 кг. Жылдық сауым 1000-1200 кг, майлылығы 3,5-3,8%. Жаппай тауарлық ешкі шаруашылығындағы сауым 700-800 кг.

Ұқсас тұқымдар

Голландиялық Ландрас ешкі тұқымы (Dutch Landrace), Ақ Чех ешкісі (Czech White), Альпілік ешкі тұқымы (Alpine breed), Гарганика ешкі тұқымы (Garganico), Дат Ландрас ешкі тұқымы (Danish Landrace)