Орел шыт тауығы (Oryol calico)

Тарихы

Тұқым XVIII ғасырда Граф Алексей Орлов-Чесменскийдің алпауыт қожалығында шығарылған болатын. Орел тауықтарын шығаруға қандай тұқымдар қатысқаны туралы нақты ақпараттар жоқ. Бірақ бұл тұқымның өзінің пайда болуына малай жауынгерлік тауықтарына және шұбар түсті, жақсы дамыған сақалдары бар парсы тауықтарына қарыздар екендігі анықталған. Оларды орыс құлақшынымен және басқа тауықтармен будандастырған, нәтижесінде жаңа тұқым пайда болды. Сонымен бірге тұқым Солтүстік Америкаға Батыс Еуропаға қарағанда ертерек әкелінді.

Тұқым стандарты

Орел тауықтары биік және мықты дене құрылысымен ерекшеленеді. Бұл - бойы 60 см жуық және тірі салмағы 4,5-5 кг болатын өте үлкен құстар. Басының көлемі орташа, маңдайы кең, айдары кедір-бұдырлы, араларында қылшықты қауырсындары бар. Тұмсығы қысқа, төмен қарай иілген, мықты. Сырғалықтары кішкентай, қауырсындармен жабылған. Сырғалары қызыл, кішкентай. Көздері янтарь түсті, қас үсті доғалары айқын көрінеді. Сақалы үлкен. Мойнында шығыңқылық – шоқтығы байқалады, мойнындағы қауырсындары қалың, жалға ұқсас. Омырауы шығыңқы, сүйірленген; құйрығының көлемі орташа, босатылған, төмен қарап тұрады, әдемі жіңішке өрімдері бар. Табандары ұзын және күшті, табан сүйектері қауырсынданбаған, жылтыр, сары түсті. Тауықтары әтештерінен өте аз ерекшеленеді. Маңызды айырмашылығы әтештеріне қарағанда тауықтарының сақалы мен жақ сақалдарының жақсы дамығандығы болып табылады, ал сырғалары өте кішкентай және көрінбейді дерлік. Орел шыт тауықтарының ақ, ақшыл сұр және қызғылт сары қауырсындардан тұратын сәнді сақалы бар. Басы, мойны және арқасы қоңырқай-қызғылт сары, тұрқы мен омырауы – ақ теңбілдері бар қара түсті. Қанаттарында – көлденең жолақтар, әтештерінің құйрығы ақ өрімдері бар қара түсті.

Шаруашылық сипаттамасы

Орел тауықтары кеш жетілетін тұқымдарға жатады. Бір жасында тауықтардың салмағы 2,5-3 кг, әтештердің – 3-3, 5 кг. Тауықтары 7-8 айында жұмыртқалай бастайды. Бірінші жылында олар 180-ге дейін жұмыртқа таба алады, содан кейін өнімділігі 150-ге дейін төмендейді. Жұмыртқаларының салмағы 60 г болады. Қабығының түсі ақшыл-ақ сары түстен ақ-қызғылт түске дейін түрленуі мүмкін.

Қызықтысы

Рационына міндетті түрде минералдық-дәрумен қоспалары енгізіледі, оларды орел тауықтары ерекше қажет етеді. Оларды құс сүйсініп жейтін дымқыл быламықпен берген ыңғайлы.

Орел шыт тауықтары тұқымы жоғары тіршілік қабілеттілігімен атақты, өйткені:

• ыстық пен құрғақтыққа жақсы төзеді;
• климаттық жағдайлардың ауысуына оңай бейімделеді;
• қоректенуде күй талғамайды.

Балапандары дымқылға төзбейді, сондықтан жас балапандардың төсемелерінің күйін мұқият қадағалайды. Балапандары суық тиюге және суық тиетін вирустық инфекцияларға бейім. Олардың алдын алу үшін шыт балапандарын өтпе желдерден қорғау талап етіледі.

Ұқсас тұқымдар

Анкона (Ancona), Шейвер (Shaver), Доминант (Dominant)