ҰҚМ
Жануардың түріОсманабади
Тұқымның атауыЕтті-сүтті
Бағыты
Османабади ешкісі – Османабад Махараштраның Латур, Туляпур және Удгор талук аудандарында мекендейтін үнді ешкі тұқымы. Бұл тұқымның атауы Османабадтың шыққан жеріне байланысты қойылған. Османабади ешкілері негізінен Ахаменагарарда, Латурда, Парбханада, Османабадта, Соланпурда және Махараштраның басқа да көптеген аудандарында таралған. Бүгінде олар Андхра-Прадеште, Карнатакада, Теланганада және басқа да штаттарда аз мөлшерде кездеседі. Османабади ешкісі ет пен сүт өндіруге жарамды. Бірақ олар ең жоғары сапалы етінің арқасында негізінен ет өндіру үшін өсіріледі.
Османабади ешкілері орташа бойлы. Түсі әртүрлі, бірақ көп жағдайда Османабади ешкісінің жүнінің түсі қара, бірақ қоңыр, ақ немесе шұбар түстері де кездеседі. Олардың аяқтары ұзын, сырт келбеті сымбатты. Олардың құлақтары орташа және ұзын болады. Текелердің көпшілігі мүйізді (шамамен 90%) және олар мүйізді немесе тұқыл болуы мүмкін. Ешкілердің желіні кішкентай және емшектері де үлкен емес.
Ересек Османабади текесінің салмағы орта есеппен алғанда шамамен 36 кг, ал ешкілерінің салмағы шамамен 30 кг болады. Османабади ешкілерінің тұқымы ауруларға қарсы иммунитетінің жоғары болуымен, сонымен қатар репродуктивті қабілетімен танымал. Бұл коммерциялық ешкі өсіру үшін ұсынылған тұқым. Тұқым Үндістанның кез-келген штатының климаттық жағдайына оңай бейімделеді. Олар суыққа, өте ыстық немесе ылғалды климатқа жақсы бейімделген. Олардың көбею қабілеті жоғары. Жақсы жағдайда олар жылына екі рет үнемі төлдейді, көбінесе егіздер туады, үшемдер өте сирек кездеседі. Османабади ешкілерінің жүктілік кезеңі – 5 ай. Сүтею кезеңінің 4 айында орташа тәуліктік сүт мөлшері 0,5-1,5 кг құрайды. Османабади ешкісі – үнемді тұқым, оны кез-келген ауылшаруашылық жемімен, қолжетімді шөптермен, бұршақ дақылдарымен және көкөністермен қоректендіруге болады. Оларға арнайы жем-шөп қажет емес, ал азықтандыру құны өте төмен. Олар басқа тұқымдармен салыстырғанда суды аз қажет етеді. Тұқым қорада ұстап бағу жүйелеріне өте қолайлы.
