Бейжің тұқымы ( Pekin duck)

Тарихы

Бейжің үйрегі – бұл пайда болуы мен дамуының ұзақ және тамыры терең ғасырларға бойлаған тарихы бар тұқым екенін айта кеткен жөн. Мұндай құстардың отаны болып саналатын ел – Қытай. Ал тұқымның тарихы шамамен 300 жылды құрайды. Бейжің үйректері өздері шыққан елдің фермерлері мен құс өсірушілерінің құрметіне ие болғаннан кейін, құстар бүкіл әлемге тарала бастады. Бейжің үйректерін қабылдаған алғашқы мемлекет Америка Құрама Штаттары болды. Осыдан кейін жануарлар бүкіл әлемнің түкпір-түкпірінде пайда бола бастады. Бүгінгі күні Бейжің құстарының тұқымын Ресейде және ТМД-ның басқа елдерінде кездестіруге болады.

Тұқым стандарты

Құс ірі. Денесі ұзын және сәл көтеріңкі. Кеудесі кең, бұлшықетті. Арқасы ұзын, жалпақ, құйрық жағына қарай қиғаштау. Басы биік, жалпақ, маңдай бөлігі шығыңқы. Тұмсығы сәл қайқы, орташа өлшемді. Көздері үлкен, қою көк. Мойнының ұзындығы орташа, жуан. Сирақтары қысқа, жуан, денесінің артқы жағына жақын орналасқан. Құйрық сәл көтеріңкі, кежектердің 2-4 қауырсыны жоғары қарай бұралған. Жүні ақ, тұмсығы сарғыш түсті, аяғы қызыл-сары. Ересек ұрғашы үйректің салмағы - 3,4 кг, ал кежектікі – 4 кг.

Шаруашылық сипаттамасы

Тұқымдар жылдың суық айларына жақсы төзеді. Үйректердің өміршеңдігі өте жоғары. Олар әртүрлі ауруларға төзімді. Бір үйректің жұмыртқалағыштығы жылына 85-125 жұмыртқаны құрайды. Бір жұмыртқаның салмағы – 90 г. Балапан шығуы 80-88% құрайды. Құстар өте тез семіреді. 1,5 айлық үйректердің салмағы шамамен 2,4-3,1 кг. Еті өте дәмді. Пекин үйректері жылдам ат алмасуымен ерекшеленеді. Денесінің орташа температурасы Цельсий бойынша 42,2 градус.

Қызықты мәлімет

Бейжің үйректерін үй жағдайында асырау және өсіру өте оңай. Олар күтіміне байланысты қандай да бір нақты және кешенді процедураларды қажет етпейді.

Ұқсас тұқымдар

Мамут, Қара ақтөс үйрек (Black white breasted), Черри-Велли (Сherry-velly).