Полтава шыт тауығы (Poltava calico)

Тарихы

Бірегей фенотипі бар полтава шыт тауықтары тұқымын Украинада әуесқой құс өсірушілер соңғы 10-15 жылда шығарды.

Тұқым стандарты

Полтава шыт тұқымы тауықтарының басы орташа көлемді. Айдары орташа көлемді, көпшілігінде - жапырақ немесе раушан гүлі тәрізді. Тұмсығы қысқа, сары немесе ашық қоңыр. Көздері сары немесе қызғылт сары. Құлақ сырғалықтары орташа көлемді, қызыл. Сырғалары қызыл. Мойнының ұзындығы орташа, қалың. Жалы жақсы дамыған. Тұрқы кең, терең. Арқасы ұзын, кең. Омырауы кең, сүйірленген. Қарны айтарлықтай кең, толық. Құйрығының ұзындығы орташа, толық, құстарында арқасымен тік бұрыш және тауықтарында доғал бұрыш құрайды. Қанаттарының ұзындығы орташа, денесіне тығыз қысылған. Жамбастары мықты, сәл алға қарай көрініп тұрады. Табан сүйектеріның ұзындығы орташа, қауырсынсыз, сары немесе ақшыл түсті. Аяқтарында төрт башпайы бар. Башпайлары, тырнақтары мен табандары ақшыл сары немесе ақшыл түсті. Қауырсындануы шыт тәрізді, тығыз, жылтыр. Әтештерінің тірі салмағы – 4-тен 5 кг-ға дейін, тауықтарынікі – 3,2-4 кг.

Шаруашылық сипаттамасы

Полтава шыт тауықтарының өнімділігі жылына орта есеппен орташа салмағы 60 г жуық,180-210 жұмыртқаны құрайды. Қабығының түсі негізінде қызғылт және қою қоңыр. Құсы мен балапанының тіршілік қабілеттілігі өте жоғары. Құстардың темпераменті сабырлы. Тауықтардың жұмыртқа басу түйсігі жартылай сақталған. Үй жанындағы шаруашылық жағдайында 60-70% деңгейінде жұмыртқалағыштық өнімділігі әлеуетін қамтамасыз етеді. Еті өте нәзік және жағымды дәмі бар қанық.

Қызықтысы

Тауықтар табиғи жем-шөпті жақсы жейді, күтіп ұстау және тамақтану жағдайларын талғамайды.

Ұқсас тұқымдар

Полтава саз тауығы (Poltava clay)