Свифтер қойлары тұқымы (Swifter)

Тарихы

Свифтер – 1970 жылдары Вагенингендегі (Нидерланд) ауыл шаруашылығы университетінде жергілікті қойлардың өнімділігі қасиеттерін жақсарту мақсатында шығарылған, салыстырмалы түрде жаңа, өнімділігі жоғары қойлар тұқымы. Свифтер Тексель мен Фламанд қойларының тұқымдарын будандастыру кезінде пайда болды. 1982 жылы Свифтер қойларының асыл тұқымды кітабы құрылды. Еуропа елдерінде кеңінен таралды.

Тұқым стандарты

Свифтер тұқымының өкілдерінде дене түзілісі мықты, бұлшық еттері жақсы анықталған, арқасы кең. Басы ұзартылған пішінді, қысаң. Түсі әрқашан ақшыл реңкті, мұрны қара түсті.

Шаруашылық сипаттамасы

Шоқтығындағы орташа биіктігі - 50-75 см, үлкен қошқарларының тірі массасы - 100-120 кг, ұрғашыларының - 70-90 кг. Әдетте, бірінші қоздау бір жасында болады, бір саулық қойға орта есеппен 2,5 қозыдан келеді (бірінші қоздау — 2,1 қозы, келесілері — 2,8). Қоздауы жеңіл өтеді. Сүт өнімділігі жақсы, ұрпағын қоректендіру үшін сүті жеткілікті. Свифтер тұқымының артықшылықтары: аналық қасиеттері керемет, мінезі жайлы, өсімталдығы жоғары, айдағанда ұзақ ара қашықтықты жүріп өтеді, сүт және ет өнімділігі жақсы, иммунитеті күшті, оған тән "тұқымдық" аурулары байқалмайды. Етті өнімділігі жоғары қой тұқымдарымен будандастырған кезде керемет сою қасиеттері бар және қарқынды өсетін ұрпақ алынады.

Ұқсас тұқымдар

Алтай қойлары тұқымы (Altay), Балвен қойлары тұқымы (Balwen), Барбадос блэкберри қойлары тұқымы (Barbados Blackbelly), Гисар қойлары тұқымы (Hissar), Горьков қойлары тұқымы (Gorky)