Техас ақ бөденесі (Texas white quail)

Тарихы

Бұл тұқым селекционерлердің бөдене етінің сапасын жақсартуға, өсімділігін жетілдіруге және осы белгілердің ұрпақтарын тұрақты берілуіне бағытталған жұмысының нәтижесі болып табылады. Техас бөденесін алу үшін жапондық құстарды тез салмақ қосатын бройлермен будандастырған. Қауырсынының түсі құстарға ағылшын ақ түсті бөденесінен берілген.

Тұқым стандарты

Техас ақ бөденелері үлпілдек, қалың жүнімен, дөңес кеудесімен, кең арқасымен, қысқа мойнымен, құйрығымен және аяқтарымен сипатталады. Құстардың дене бітімі өте тығыз. Тұқымның ерекшелігі – еркек құстардың басы мен тұмсығының ұшында қара нүктелердің болуы, бірақ бұл міндетті белгі емес. Ұрғашыларының тірідей салмағы – 420-470 г, еркектерінікі – 300-360 г.

Шаруашылық сипаттамасы

Құстар сабырлы, байсалды, үркек емес. Кейде мұндай салқынқандылық олардың кемшілігіне айналады, өйткені еркек құстар аса белсенді емес. Техас ақ бөденелерінің артықшылығы – олар тұтынатын жем мөлшері басқа тұқымдармен бірдей. Сонымен қатар, жас балапандар өте тез өседі. Бұл тұқым салмақ қосады, бірақ семіздікке бейім. Техас ақ бөденелерін кейде бройлер деп те атайды, өйткені бір құс етінің салмағы 250 г құрайды. Мұндай құстардың еті нәзіктік, жоғары гастрономиялық қасиеттері бар. Ол тауық етіне қарағанда төмен калориялы. Бөденелер туғаннан бастап 60 күн өткенде жұмыртқалай бастайды. Бөдене жұмыртқалары емдік қасиеттерге ие, асқазан-ішек жолдарының бұзылуына, радиоактивті сәулеленуге және басқа да ауруларға көмектеседі. Ұрғашыларының жұмыртқалағыштығы шамамен 220 дана, жұмыртқасының салмағы 12-ден 18 г-ға дейін.

Қызықты мәлімет

Техас бөдене тұқымының негізгі мақсаты – етке өсіру. Құстың жұмыртқалағыштығы Техас ақ бөдене тұқымының бір бөденесіне шаққандағы мөлшері – жылына жүз елу-екі жүз жұмыртқа аралығында, нашар болады.

Ұқсас тұқымдар

Ағылшын қара бөденесі (English black quail)