Тюрингиялық (Thuringian)

Тарихы

Жоса түсті ерекше қояндар алғаш рет Германияда пайда болды. Тұқым бельгиялық, Гималай қояндары мен Күміс қояндарды будандастыру арқылы алынған деп саналады. Дэвид Гарднер есімді қоян өсіруші әдемі ашық сарғыш-қоңыр түсті және күңгірт дақтары бар коммерциялық типтегі мығым қояндарды өсіруді шешті. Алғашқы үлгілерді көптеген қоян өсіру клубтары қабылдамады. Алайда кейінірек жаңа тұқымдарды қолдайтын арнайы клуб құрылды, оның мүшелері сол кезде Тюрингия Таукиігі деп аталатын тұқымды өсіріп, жетілдіре бастады. Стандартты анықтауда кейбір кедергілер туындады, алайда қажырлы еңбектен кейін 1908 жылы тұқым Нидерландыда мойындалды және көп ұзамай Еуропада өте танымал болды. Американдық қоян өсіру қауымдастығы бұл тұқымды мойындамады, мүмкін оның кейінірек тек 1972 жылы ғана стандарт алған Күнзелік қояндарына ұқсастығына байланысты болар. Тұқымды жетілдіру және тұрақты ету үшін Тюрингия қояндарын Сұр Алыптардың өкілдерімен будандастыру жүргізілді. Екінші дүниежүзілік соғыстан кейін популяция толықтай дерлік жойылып кетті, ал бүгінде сирек кездесетін тұқымды қадірлеушілер оны қалпына келтіру үшін тайсалмай күресуде.

Тұқым стандарты

Мығым денелі Тюрингия қоянын орташа да және үлкен де санатқа жатқызуға болады. Ересек қояндардың орташа салмағы – 3,6-4,6 кг. Дене құрылысының түрі – коммерциялық, артқы бөлігі жақсы дамыған, кеудесі кең және денесі аласа, тығыз. Аяқтары қысқа, мықты. Басы дөңгеленген, дұрыс пішінді, мықты құлақтары тігінен орналасқан, ұштары дөңгеленген, жүн жапқан. Мойны көріне қоймайды, кішірек сағағы болуы мүмкін. Қоңыр көздері үлкен, жарқын. Жүні жұмсақ, қалың, жібектей. Тұқымның басты ерекшелігі – күңгірт реңді көзтартарлық көлеңкеленген жерлері бар жоса тәрізді бірегей түсі. Францияда тұқым Тюрингия Таукиігі есімімен белгілі, өйткені жүнінің түсі бөкеннің бір түрі – таукиіктің қанық түсіне ұқсайды. Негізгі түсі – терең сарғыш қоңыр (бұғы тәрізді), қою қара-көк күзет қылшықты түктері бар. Құлақтарындағы, тұмсығындағы және жақ сызықтарындағы, мойы мен иықтарының және сауырының төменгі бөлігіндегі, бүйірлері мен құйрығындағы ағаш көмірге ұқсас жұмсақ түс көлеңке тәрізді реңк береді.

Шаруашылық сипаттамасы

Тюрингиялық қояндар талғампаз емес. Олар күтімінде, тамақтандыруында ерекше жағдайларды қажет етпейді. Егер тюрингиялық қоянға ең қолайлы жағдайлар жасалса, онда оның өмір сүру ұзақтығы 12 жылға дейін болады. Орташа алғанда, олар шамамен 8 жыл өмір сүреді. Олар жылдам өсу қарқынымен ерекшеленеді. Бұл тұқымның қоянына өзінен 4-5 есе үлкен тор қолайлы. Жүктілік кезеңі 29-31 күнге созылады, бір ұяда 6-8 көжек болады.

Ұқсас тұқымдар

Күміс Шампань (Champagne D' Argent)