Уэльс тау пониі
Тұқымның атауыМініс
Тұқымның атауыМініс
БағытыЖылқылар
Жануардың түрі
Уэльс пониі (С секциясы) – Уэльстің екі коба түрінің кішісі. Оның шоқтығының шекті биіктігі 135 см және ол Уэльс тау пониіне ұқсайды, бірақ дене бітімі ауырлау. Секцияның екеуі де, С және D де, римдіктер Уэльске әкелген Уэльс тау понилері мен жылқылардың будандастырылуы нәтижесінде пайда болуы ықтимал. Кейінірек испан жылқыларының қаны құйылды, бұл жаңа жылқы түрлерінің пайда болуына әкелді, ал олардан нәтижесінде С және D секцияларының понилері пайда болды. Бұларды өсіргеннен кейін оларға Норфольк роадстері мен алғашқы хакнэ (гакнэ) типті жылқылардың, сондай-ақ Йоркшир күйме жылқысының қаны қосылды.
Екі секция да көсем жегілгенде ерекше жетістіктерін көрсетеді, ал көсем жегілген ат жарыстарының жақында қайта жандануы олардың қолданылу аясын кеңейтеді. Екі секцияға да төрт айғыр айтарлықтай әсер етті: 1840 жылы туған және тұқымында әйгілі желісті жылқылары бар Троттинг Комет; 1830 жылы туған, әкесі желісті жылқы және анасы араб жылқысы болған Тру Бритон; 1850 жылы туған, әкесі араб айғыры, ал анасы желісті бие болған Кимро Лвуд; және де 1866 жылы дүниеге келген, Алонзо зе Брейв, оның ата-бабаларын гакне арқылы Дарли Арабудың өзінен бастау алады. Нәтижесінде, С және D секцияларының Уэльс пониінің қанында араб және желісті жылқылардың үлкен ықпалы айқын көрінеді. Екі секцияның да құрамы жақсы мінезді, сергек және төзімділігі жоғары әмбебап талантты понилардан тұрады.
Уэльс понилерінің төрт түрінің де басы сымбатты, мойны бұлшықетті, иілген, кеудесі терең және кең, қабырғалары шығыңқы, арқасы шағын және сауыры бұлшықетті, танауы үлкен. Жоғары орналасқан құйрығы Араб қанының барын білдіреді. Арқасы қысқа, доғал, сауыры жақсы келіскен. Аяқтары күшті. Тік жіліншіктері алға қарай шығыңқы.С секциясы –D секциясының кішірек нұсқасы, оның шектік өлшемі жоқ. Бойының биіктігі: Уэльс тау пониі (А түрі): 120 см; Уэльс мініс пониі (В типі) және коб типі Уэльс пониі (С типі): 134 см; Уэльс кобы (D типі): 152 см-ден астам.
Шоқтығының биіктігі: 120-151 см. Түсі: Уэльс тау пониі негізінен сұр түсті, бірақ торы, жирен және паламино түстері бар. Барлық төрт тұқымда да кез-келген біртектес түстері болуы мүмкін.
Пони салт мініп жүру үшін қолданылады. Понидің барлық желістерінде жүрісі ерекше; күшті, жақсы жетілген аяқтары жақсы секіруге мүмкіндік береді. Уэльс понилері ақылды, қабілетті және айтарлықтай төзімділікке ие.
