Украин айдарлы тауығы (Ukrainian crested)

Тарихы

Бұл Украинадағы тауықтардың жергілікті тұқымы және бұрыннан белгілі. Ет-жұмыртқа түріне жатады. Тұқым өзінің негізгі әшекейі – басындағы айдарымен (айдаршық) аталды. Соның арқасында әтештерде жапырақ тәрізді айдар бүйіріне түсіп, шалқайта киілген телпекке ұқсайды. Ал тауықтардың айдары дөңгелек пішінді және соншалықты жақсы дамыған, керемет шаш үлгісіне ұқсайды.

Тұқым стандарты

Тұқымның ресми сипаттамасына сәйкес, Украина айдарлы тауығының басы шағын, тұмсығы қисық, берік, қатты азық пен ірі тұқымдарды жұлуға бейімделген болуы керек. Кеудесі және арқасы кең, кеудесі дөңес. Денесі мықты, ұзартылған, құйрығы үлпілдек. Аяқтары орташа ұзындық пен күшке ие. Ашық, қара, колумбиялық түстер басым. Мекиендердің тірідей салмағы - 2,2 кг-ға дейін, әтештерде - 3 кг. Балапандардың шығуы - 85%. Жас тауықтардың тірі қалуы - 90%.

Шаруашылық сипаттамасы

Тұқым өте төзімді болғанымен, құс белгілі бір жағдайларды қажет етеді. Бұл таза төсемнің, ыдыста үнемі таза судың, ыңғайлы астаудың болуы. Паразиттерден қорғау үшін күл-құм ванналарына арналған орындарды ұйымдастыруды ұмытпаған жөн. Бір балапан басқан тауықтар керемет ұябасарларға айналады, олардың астына басқа тауық тұқымдарының және тіпті басқа құстардың (үйректер, күркетауықтар) жұмыртқаларын салуға болады. Тауықтар өз балапандарына қамқорлық жасайды, бұл иелерінің жұмысын жеңілдетеді. Украиналық тауықтың жұмыртқалағыштығы - бірінші жылы 160 жұмыртқадан екінші жылы 180 жұмыртқаға дейін. Жұмыртқалардың орташа салмағы 55-56 г, қабығы ақсары. Олар 6 айда жұмыртқалай бастайды.

Ұқсас тұқымдар

Плимутрок (Plymouth Rock). Амрокс (Amrox), Доминик (Dominic), Легбар (Legbar)