Орал ақ тұқымы (Ural white goose)

Тарихы

Орал ақ қаздары Ресейдің «Благоварский» АҚЗ-де көп жылдық жұмыс нәтижесінде шығарылды.

Тұқым стандарты

Құстардың түсі біркелкі ақ. Оладың дене бітімі шағын, маңдайда шығыңқы дөңесі жоқ. Орал ақ қаздары орташа типті: басының өлшемі орташа, тұмсығы түзу, көздері қоңыр, кеудесі дөңес, денесі бұлшықетті, қанаттарының қзындығы орташа, денесіне тығыз қабысқан, құйрығы кішкентай және сәл көтеріңкі, аяқтарының ұзындығы орташа, алшақ орналасқан, қызғылт сары түске боялған. Бір күндік кішкентай балапанның мамығының түсі ақшыл, қаралау немесе аралық сары түсті болуы мүмкін. Шамамен 73,5% жағдайда ақшыл мамық қаздың еркек, ал қаралау түсті мамық ұрғашы екенін білдіреді. Еркек қаздардың салмағы 5,5-6 кг, ұрғашы қаздардікі – 5-5,5 кг.

Шаруашылық сипаттамасы

Тұқымның иммунитеті өте жақсы, әртүрлі климаттық және ауа-райына төзімді, ұрпақтарына селективті қасиеттерді тұрақты түрде беріледі. Урал ақ қаздары төмен температураларға төзімді, сондықтан оларды солтүстік аймақтарда жиі өсіреді. Құстар жоғары өсімділігімен, жақсы өнімдік көрсеткіштерімен, тірідей массаның өсу жылдамдығымен және күтімнің күй талғамаушылығымен сипатталады. Ересек және жас қаздар жайылымға бейімделген. Қаздарда аналық түйсік жақсы дамыған. Ұрғашы қаздар – жақсы ұябасарлар, ал еркек қаздар әрқашан балапандарын жақтайды және қорғайды. Жұмыртқалағыштығы – 25-30 жұмыртқа. Аналықтың алғашқы жұмыртқаларының салмағы 150 г-ға дейін жетеді, бірақ жасына қарай олар 160-165 г-ға дейін өседі. Балапан басып шығаруы 80% асады. Жаңа туған балапандардың өміршеңдігі 60-75% құрайды. Жас құстар бройлер тұқымдарын жасау үшін қолданылады. Орал ақ қаздары майлы бауырға бордақылауға жарамды.

Қызықты мәлімет

Орал қаздары, түр тармағына қарамастан, жақсы аналық түйсікке ие, сондықтан инкубаторды қолдану тек үлкен өндірістерде қажет етіледі.

Ұқсас тұқымдар

Арзамас тұқымы (Arzamas).