Виргиния тау жылқысы (Virginia Highlander)

Тарихы

Тұқымның негізін қалаушы екі айғыр болып саналады – 1960 жылы туған жирен Пого (Pogo) және сұр Шэдоу оф Зе Ридж (Shadow of the Ridge – сөзбе-сөз: тау жотасының көлеңкесі). Олардың нақты шығу тегі белгісіз, бірақ Погоның әкесі –уэльс пониі, ал анасы араб-теннессий биесі болған деп саналады. Бұл singlefoot деп аталатын табиғи жүрісімен ерекшеленетін, бойы аласа айғыр болған. Виргинияның штатының оңтүстік-батысында тұрған оның анасының иесі Уильям М. Пью Пого ұрпағының негізінде аласа бойлы желіс жылқыларды өсірумен айналысуды шешті. Виргиния тау тұқымы Погоны, Шэдоуды және олардың ұрпақтарын араб, теннессий, американдық салт мінетін жылқылармен, моргандармен, уэльс понилерімен және гакне пониімен будандастыру жолымен шығарылған болатын.

Виргин тау жылқылары қауымдастығы (Virginia Highlander Horse Association) ХХ ғасырдың 90-шы жылдарының басында құрылған болатын. 2004 жылдың маусымындағы жағдай бойынша қауымдастықтың асыл тұқым кітабында 150-ден астам Виргиния тау жылқысы тіркелген болатын. Шэдоу оф Зе Ридж тұқымының негізін қалаушылардың бірі әлі де тірі, ол 2009 жылы 24 жасқа толды.

Тұқым стандарты

Тұқымды шығарушының ойлағанындай, ол кішкентай бойымен ерекшеленеді – 132-142 см. Виргин тау жылқыларының бойында арабтардың қызу қандылығы, теннессийліктердің желісі, моргандардың сыртқы түрі мен жақсы мінезін үйлеседі. Ең жиі кездесетін түстер – буырлы, жирен, қара және сұр, кейде басқа да, соның ішінде ақ түс те кездеседі.

Шаруашылық сипаттамасы

Тұқым өкілдерін серуендеп жүру үшін пайдаланады.

Ұқсас тұқымдар

Американдық-үнді (American Indian), Аппалуза (Appaloosa).