Американдық шетленд (American shetland)

Тарихы

Шетленд понилері алғаш рет Америкаға 1880 жылдары әкелінді және тез танымал болды. 1890 жылы Американдық шетленд пониі әуесқойлары клубы ұйымдастырылған кезде елде екі жүзден астам зауытшылар тіркелді, олардың ішіндегі ең көрнектісі Буффало Билл Коуди болды. Бүгінгі таңда американдық шетлендтардың саны өте көп, бірақ "шетленд" атауына қарамастан, олар Ұлыбританияның Шетленд аралдарындағы шынайы "шелтилерге" ұқсамайды. Американдық шетленд таза қанды шетлендтерді хакнэ пониімен будандастыру нәтижесінде пайда болды, кейіннен араб және таза қанды мініс жылқыларының қаны аздап қосылды. Сыртқы түрі бойынша ол британ аралдарының понилеріне қарағанда хакнэге көбірек ұқсайды. Оның сызықтары анағұрлым нәзік, денесін біршама жіңішке және ұзын, ал аяқтары шетлэнд пониіне қарағанда ұзын әрі жіңішке. Сондай-ақ, басы да нағыз пониге тән қасиеттерін жоғалтқан. Оның хакнэ қанының барын көрсететін биік, экстравагантты аллюрі оны Америкада танымал жегілмелі пони етеді.

Тұқым стандарты

Тік немесе сәл ойыс пішінді басы біршама ұзын; айқын шоқтығы бар мойны ұзын сымбатты; иықтарықиғаш; тұрқы және сауыры қысқа әрі күшті; аяқтары айтарлықтай ұзын. Биіктігі шамамен 103 см-ге дейін, түсі - кез-келген.

Шаруашылық сипаттамасы

Шетлендтер экипажға жеке, жұптасып, көсемдеп жегіле отырып та, сондай-ақ салт мініліп те жарыстарға қатысады.

Ұқсас тұқымдар

Американдық драмхорс (American drumhorse)