Аппенцелль ешкі тұқымы (Appenzell Goats)

Тарихы

Кейде Аппенцелль тұқымын мүйізсіз Аппенцелль деп те аталады, Швейцария ешкілерінің байырғы тұқымы. Алғашқы қауымдастықтар Швейцарияның солтүстік-шығыс бөлігіндегі аппенцелль кантондарында құрылды: 1902 жылы Аппенцелль-Иннерроденде, 1914 жылы Аппенцелль-Ауссерроденде. ХІХ ғасырдың аяғында және ХХ ғасырдың басында Аппенцелль ешкілерін өсіру дамиды. Тұқымның ресми асыл тұқымды кітабы бар. Осы уақытқа дейін швейцариялық Аппенцелль ешкі өсірушілер қауымдастығының федерациясы осы тұқымды сақтау және қалпына келтіру жобасын бастады. Ол ФАО «жойылып кету қаупі төнген» тізімінде. Ертеде Швейцарияда 70 000-ға жуық Аппенцелль тұқымы болған, ал 2007 жылы бұл санның тек 4,2%-ы болды. Жоба селекционерлерге қаржылық қолдауды қамтиды және өсіру бағдарламаларын бақылайды, 2013 жылы шамамен 2000 бас болды. Сүт өнімділігі бойынша Аппенцелль тұқымы Швейцариядағы ең жоғары өнімді он бір ешкі тұқымынан төртінші орында.

Тұқым стандарты

Аппенцелль ешкілері өкілдерінің түсі ақ, дене бітімі күшті, тұрақты пішінді, арқасы кең. Арқасы және денесінің артқы бөлігі ұзын жүнмен жабылған (ұзын жүнді тұқым). Құлақтары тік, қысқа, қырынан қарағанда түзу. Әдетте, барлық дарақтар тұқыл, бірақ мүйізді дарақтар да кездесуі мүмкін. Аяқтары мықты және дұрыс орналастырылған. Желіні жақсы дамыған, кең, салбыраған.

Шаруашылық сипаттамасы

Еркектердің шоқтығының орташа биіктігі - 85 см, ұрғашыларда - 75 см. Еркектерінің орташа салмағы — 75 кг, ұрғашыларынікі - 55 кг. Сүтею кезеңінде (270 күн) майлылығы 2,9% және ақуызы 2,7% болатын 700 кг-нан астам сүт бере алады. Тұқым әр түрлі ауа-райы жағдайларына төзімді. Олар сабырлы темпераментке ие, мейірімді.

Ұқсас тұқымдар

Анадолы қара (Anatolian Black), Қызыл Жерорта теңізі ешкі тұқымы (Rossa Mediterranea Goats).