Горьков қаздары (Gorky geese)

Тарихы

Ұзақ уақыт бойғы жұмыс арқылы селекционерлер Солнечногорск және Қытай тұқымдарын будандастыру арқылы қаздардың жаңа Горьков тұқымын шығара алды. Сыртқы түрі бойынша ол холмогорларға, ал тұқымдық сипаттамалары бойынша Қытай қаздарына ұқсас. Негізінен бұл құстар Ресейде өсіріледі.

Тұқым стандарты

Еркек қаздар 7-8 кг, аналықтары 6-7 кг салмақ тартады. 65 күндік жас қаз балапандарының салмағы көбінесе 4 кг құрайды. Сондай-ақ, Горьков қаздары тұқымының өздеріне тән айқын сыртқы ерекшеліктері бар: тұрқы ұзын және массивті, сәл көтеріңкі; ішінің майлы қатпары; құйрығына қарай көлбеулеу мықты арқасы; үлкен дөңгелектенген көтеріңкі кеудесі; иілген мойны бар; басы орташа, маңдайында томпағы бар; тұмсығы тік, тұмсығының астында “әмияні” бар; сирақтары қызғылт-сары.

Шаруашылық сипаттамасы

Горьков тұқымының аналық қаздары 180-200 күндік жасында жұмыртқалай бастайды. Орташа есеппен, олар жылына салмағы 120-140 грамм құрайтын 40-50 жұмыртқа салады. Аналық қаздар – ата-аналық қасиеттері дамыған жақсы мекиендер. Бұл тұқымның жағымсыз қасиеттері жоқ дерлік. Горьков қаздарының рационы іс жүзінде шөптен тұрады, сондықтан құс өсірушілер дәнді азықтарын үнемдей алады.

Ұқсас тұқымдар

Краснозер қазы, Кубан қаздары (Geese Kuban), Линда қаздары (Geese Linda).