Хакнэ (Hackney)

Тарихы

Хакне – жоғары жүрісті кербез жегіс жылқы, толық ағылшын тұқымына жатады. Хакне жылқылары мен понилерінің жүрісі ерекше жоғары және көсем жегілген күйінде керемет көрінеді. Хакне 18 ғасырдың басында Англияда Дарлей Арабианнан оның 1715 жылы туған ұлы Флайинг Чилдренс және 1733 жылы туған немересі ағылшын асыл тұқымды айғыры болған Блэйз арқылы шығарылды. Хакне тұқымын өсіруге Англияда қоғамдық жолдардың дамуы ықпал етті. Мұнымен ауқатты фермерлер айналысты. Желісті шабысында білезік-алақан сүйек буындары тұмсығына тиер-тиместей болып шауып келе жатқан қос сымбатты торы ат жегілген әдемі жабық жеңіл арба... о, бұл олардың иесінің байлығының, ауқаттылығының және дәулеттілігінің дәлелі болатын. Қазіргі біз білетін хакне тұқымы Англияның Норфолк қаласынан шыққан, онда Норфолк желіс жылқылары деп аталатын жылқылар өсірілді, олардың селекциясы әсемдік пен жылдамдыққа басым бағытталған болды. Шығыс Англия мен Шығыс Йоркширдегі жергілікті Норфолк желіс жылқыларына Джери'С Бельфаундер есімді желісті айғыр арқылы ағылшын асыл тұқымды жылқыларының қаны құйылды, сонымен қатар лның қаны стандартты тұқымға да құйылды. Бұл ағылшын спортшылары мен ақсүйектеріне күймелік ат ретінде танымал болған жақсы, жігерлі, кербез жеңіл жылқыны қалыптастырды. Алғашқы белгілі 1760 жылы туған Шэйлс есімді хакне болды. Келесі 50 жыл ішінде хакне айрықша бір тұқымға айналды. 19 ғасырда тұрақты теңіз қызметі құрылды және көптеген кемелер асыл тұқымды түрлерін өсіру үшін іріктеп алынған жылқылар мен понилерді тасымалдап жүрді. 19 ғасырдың ортасында Британдық жолдарды жақсарту да жүрдек желіс жылқыларын өсіруге өз үлесін қосты. Осы жаңа жақсартылған жолдарда фермерлер базарға барар жолда салт жүріп те, күймелермен де жарысатын.

Тұқым стандарты

Биіктігі: 143 - 158 см. Түсі: әдетте қар-күрең, қара, торы, кейде сұр түстері кездеседі. Мінезі: хакне - жігерлі, еңбекқор жылқы. Сыртқы түрі: сымбатты, күшті, мойны бұлшықетті, тік кескінді кішкентай әдемі басы бар; құйрығы жоғары орналасқан. Аяқтары жіңішке мүсінді, буындары бірыңғай созымтал келеді. Тұяқтары кішкентай және қатты.

Шаруашылық сипаттамасы

Хакне - жегілетін ат, ешқашан ат жарыстарына қатыстырылмайды. Бұл жылқылар ерекше қимылдары мен таза тұқымдары үшін жоғары бағаланады. Қозғалыстары: бұл кербез жегіс жылқысының адымды биік жүрісі, әсіресе оның желе жортқан кездегі алдыңғы аяқтарының адымы өте әсерлі көрінеді.

Ұқсас тұқымдар

Торий жылқысы (Торик) (Thorian), Фуриозо-норт стар (Furioso-north star).