Мандалонг спешилс (Mandalong Specials)

Тарихы

Мандалонг спешилс тұқымы Австралияда шароле, шортгорн, браман, британдық ақ және киан малы мен зебу арасындағы күрделі репродуктивті шағылыстырумен будандастыру арқылы пайда болды. 1979 жылы бұл тұқым Австралияның етті мал қауымдастығында тіркелді. Шағылыстыру мақсаты - өсу қарқыны жоғары және ет көрсеткіштері жақсы жаңа туғылан бұзауларды (жеңіл төлдеуге ықпал ететін) алу.

Тұқым стандарты

Мандалонг спешилс малының басы созылған пішінді, қырынан қарағанда түзу, желке жотасы дөңес. Тұқым өкілдерінің 40%-дан астамы тұқыл. Кеудесі кең, денесі және аяқтары ұзын. Шоқтығының биіктігі 2 метрге жетеді. 15 айлық бұқалардың орташа салмағы - 560 кг, қашарлар - 490 кг, жаңа туылған бұзаулар – 50 кг. Барлық дарақтар ашық түсті.

Шаруашылық сипаттамасы

Мандалонг спешилс сиырларының өсу энергиясы жоғары, осыған байланысты орташа тәуліктік салмақ қосу 1600-1800 г құрайды. 15 айда союға дайын, осы кезеңде еттегі май мөлшері 15% құрайды, мұндай ет өте нәзік, ол басқа тұқымдардың етіне қарағанда 8-10% қымбат сатылады. Сою шығымы 63-66%. Кейбір бұқашықтарда 8 айға дейін тірі салмақ 450 кг-ға жетеді. Осыған сүйене отырып, мал өсірушілер таза тұқымды өсіру арқылы алдағы 5-10 жылда аналардан желіннен айырғаннан кейін жас жануарларды сату үшін 400 кг-ға дейін емізу кезінде орташа тірі салмақтың өсуіне қол жеткізуге болады деп болжайды. Генетиктердің жұмысына байланысты мандалонг сиырларындағы төлдеу оңай жүреді, олар жоғары репродуктивті қабілетімен ерекшеленеді – 100 сиырға 90-92 бұзау келеді. Жайылымдық ұстау және азықтандыру жүйесіне бейімделген.

Ұқсас тұқымдар

Симменталь тұқымы (Simmental cow breed), Шортгорн тұқымы (Shorthorn breed).