Фуриозо-норт стар (Furioso-north star)

Тарихы

Тұқым Австрия-Венгрия империясы билеп тұрған дәуірінде пайда болды. 1840 жылы Англиядан Фуриозо есімді ағылшын асыл тұқымды жылқысының айғыры әкелінді. Ал 1843 жылы Норт Стар (норфолк роадстер) атты тағы бір айғыр әкелінді. Оларды нониус тұқымды биелермен будандастырған. Жаңа тұқымды өсіру орны 1784 жылы Император Иосиф II негізін қалаған әйгілі Мезёхедьеш жылқы зауыты болды. Екі айғырдан (Фуриозо және Норт Стардан) тұқымның екі тармағы тарады, содан кейін Фуриозо тармағына ағылшын асыл тұқымды жылқыларының қаны енгізілді, кейінірек бұл екі тармақты бір-бірімен шағылыстырды. Фуриозо тармағы басым болды, бірақ бүгінгі күні тұқымның дұрыс атауы фуриозо-норт стар деп саналады. Қазіргі уақытта тұқым Дунай мен Тибиско арасында орналасқан Венгрия жеріндегі Апайпушта атқорасында өсіріледі.

Тұқым стандарты

Фуриозо тұқымы жылқыларының жіліншігі ұзын, тұсарлары пропорционал, шашалары ұзынша келген, садақтың адырнасындай бөлектеніп көрінетін, етсіз сіңірлері бар. Тұяқтары келіскен, жылқының массасына пропорционал. Басы асыл тұқымды мініс жылқысынікіне ұқсас, тік кескінді, құлақтары үлкен және тыныш, көздері жуас өткір, танауы кең, ашық. Сағағы кең және ұзын, арқасы бұлшықетті және көлбеу. Шоқтығы шығыңқы, арқа-белі ұзын және бір түзу сызықтың бойында жатады. Кеудесі кең және терең. Сауыры мықты және жамбасы сәл көлбеулеу. Шоқтығының биіктігі: 160-165 см. Түсі: негізінен қара, торы, өте сирек басқа түстері кездеседі; ерекшелігі – ақ дақтар.

Шаруашылық сипаттамасы

Қағілез темпераментімен үйлескен өзінің сабырлы, жауапты мінезінің арқасында, фуриозо-норт стар кез келген қызмет түріне жарамды керемет атқа айналды.

Ұқсас тұқымдар

Торий жылқысы (Торик) (Thorian).