Көк кохинхин тауығы (Cochinchin blue chicken)

Тарихы

Тауық тұқымдарының шыққан жері Вьетнам (Меконг атырауындағы Кохинхин аймағы). Бастапқы тұқым – плимутроктар. Құстарды Еуропаға алғаш рет француздар 1843 жылы әкеліп, нағыз «кохинхин дүрлікпесін» тудырды. Украинаның, ТМД елдерінің және Батыстың өнеркәсіптік құс шаруашылығындағы салыстырмалы түрдегі төмен өсімталдығына байланысты ол іс жүзінде өсіріле қоймайды, алайда тек генофонд үшін сақталуда, сонымен қатар әуесқойлар сәндік тұқым ретінде өсіреді.

Тұқым стандарты

Тауықтар бойының биіктігімен ерекшеленеді, олардың биіктігі 50 см-ге дейін жетуі мүмкін. Басы әдемі және кішкентай – көлемді дөңгелектенген денесіне ерекше көріктілік береді. Бүкіл денесі қалың және қою қауырсынданған. Еркек құстардың орақ тәрізді қауырсындардың арқасында құйрығы кішкентай доғаға ұқсайды. Тауықтардың мойнының ұзындығы орташа, қалың қауырсын жапқан. Аяқтары қысқа, сондай-ақ қалың қауырсын жапқан. Көгілдір Кохинхин қауырсынының ашық көгілдір реңкінің ерекше түсіне байланысты айрықша танымал болды. Қанаттары, мойны, баы қара түске боялған болуы мүмкін. Эталон бойынша аппақ мамыққа жол беріледі. Тұмсығы сары түсті. Құйрығындағы ақ таңбалардың болуы және қауырсындарының сарғыш реңктері құстың кемшілігі болып саналады. Ересек құстардың салмағы - 4 кг.

Шаруашылық сипаттамасы

Құстар жуас, сылбыр, семіздікке бейім. Тауықтар жұмыртқа басу түйсігін жақсы сақтайды, балапандарына жақсы қамқорлық көрсетеді. Жұмыртқалағыштығы жылына 100-110 жұмыртқа болып өзгеріп тұрады, қабығының түсі сары-қоңыр, жұмыртқаның орташа салмағы 55-56 г құрайды. Қыс мезгілінде жұмыртқалағыштығы жоғарылайды, бұл тұқымды тауықтардың солтүстік тұқымдарынан ерекшелейді.

Қызықты мәлімет

Көгілдір кохинхин – тауықтың етті-жұмыртқалы тұқымынан гөрі, көбірек етті тұқымға жатады. Төмен өсімталдығының арқасында олар әлемдік өнеркәсіптік құс шаруашылығының бөлігіне айнала алмады. Бірақ бұл құстарды әлемнің көптеген елдерінде ұнатады: олар нәзік еті үшін де, өте тартымды сыртқы түрі үшін де өсіріледі.

Ұқсас тұқымдар

Лангшан (Langshan Chicken), Геркулес (Hercules chicken), Полтавалық саз тауығы (Poltava clay), Полтавалық шыт үсті (Poltava calico), Плимутрок (Plymouth Rock), Джерсий алыбы (The Jersey Giant).