Вюртеммбург жылықанды жылқысы (Württemburg Warmblood)

Тарихы

Вюртеммбург жылықанды жылқысы өзінің шығу тегін Вюртеммбургтегі (Германия) Марбах мемлекеттік жылқы зауытынан алады. Тұқым 17 ғасырда шығарылған болатын. Марбах жылқы зауыты жоғары сапалы жылқылар өсіру орталығы ретінде кеңінен танымал болды. 17 ғасырда мұнда ер-тоқымға және жегу әбзелдеріне жарамды әмбебап жылқыларды өсірумен айналысқан. Сол кездері вюртеммбург жылқысы бүгін көруге болатын жылқыдан өте қатты ерекшеленді. Тұқым жергілікті жылықанды биелерді араб айғырларымен, әрі қарай тракеннен, ағылшын-норман, фриз, испан, берберий және суффоль жылқыларымен будандастыру жолымен пайда болды. Асыл тұқымды шығарудың басында оған әсер еткен ең маңызды айғырлардың бірі Фауст ағылшын-норман айғыры болды, ол коб түрінен болған және асыл тұқымның бастапқы түрін анықтауға белгілі дәрежеде әсер еткен. Бастапқыда вюртеммбург жылқыларының мүсіні мен бойы коб типті жылқыға ұқсас болды және жеңіл жегу әбзелдері мен ауыл шаруашылық жұмысына, сондай-ақ ер-тоқымның астына жарамды болды. Тұқым 1895 жылы асыл тұқым кітабы құрылған кезде ресми тіркелген болатын. Әрі қарай асыл тұқымның жеңілірек спорттық жылқы ретінде тіркелуі үшін күш жұмсалды. Бұл мақсат үшін тракеннен жылқыларының, әсіресе асыл тұқымды едәуір жақсартқан Юлмонд атты айғырдың қанын құю өте тиімді болды.

Тұқым стандарты

Вюртеммбург жылқысының биіктігі 160 см. Түсі торы, жирен, қара немесе қара торы. Бұл орташа көлемді, көздері ақылды, құлақтары үшкір, мойны бұлшық етті және шоқтығы жақсы айқындалған, өте әдемі жылқы. Оның кеудесі терең және кең, арқасы ұзын, түзу және мықты, сауыры қиғаш, құйрығы жақсы қондырылған, қатты тұяқтары бар аяқтары өте күшті.

Шаруашылық сипаттамасы

Вюртеммбург жылқысына әсем мінез, табандылық, батылдық және күтілу кезіндегі үнемділік тән. Жалпы оларды өте зиялы жылқы түрі деп есептейді. Осы қасиеттерінің барлығы араб тегінен мұраға қалған қызу еркін қозғалысымен толықтырылады. Олар әсем спорттық жылқылар, әсіресе секіру мен бастықтыруда сәтті болып табылады.

Ұқсас тұқымдар

Швейцария жылу қанды жылқысы (Einsiedler), Бельгия жылу қанды жылқысы (Belgisch Warmbloed horse),