ҚР Қаржы министрлігі экономиканың неғұрлым басым секторлары үшін несиелер бойынша сыйақы мөлшерлемелерін саралауды енгізу жөніндегі қаулының жобасын әзірледі. Бұл туралы ҚР премьер-министрінің баспасөз қызметі хабарлады.

"Өзгерістердің жаңа пакеті шеңберінде АӨК-де өндіріс пен қайта өңдеу экономиканың неғұрлым басым салаларының тізбесіне енгізу және сыйақы мөлшерлемесінің мемлекет субсидиялайтын бөлігін 13,25% деңгейінде, қалған ЭҚЖЖ үшін 11,25% деңгейінде белгілеу ұсынылады",-деп хабарлады ҚР Ұлттық экономика бірінші вице-министрі Тимур Жақсылықов.

Бұл мәселе кәсіпкерлікті дамыту мәселелері жөніндегі кеңесте талқыланды. Баспасөз қызметі атап өткендей, 2022 жылғы 30 желтоқсандағы заңмен мемлекеттік-жекешелік әріптестік саласындағы заңнамаға МЖӘ-нің жаңа тиімді моделіне көшуге бағытталған түзетулер енгізілді. МЖӘ шарттарын жасасу тек конкурстық негізде жүзеге асырылатын болады. Бұл ретте тікелей келіссөздер тетігі ерекше жағдайларда – бірегей объектілерді құру үшін Үкіметтің шешімі бойынша ғана қолданылатын болады.

Жекелеген жобалар бойынша инвестициялық шығындардың өтемақыларын төлеуді шектеу көзделеді, сондай-ақ қоса қаржыландыру бойынша шектеу енгізілді. Бұл шаралар артық маржиналдылықты төмендетуге бағытталған. Цифрлық форматқа көшу жолымен іске асырылатын МЖӘ жобаларын жоспарлау және іске асыру процесінің ашықтығы мен қолжетімділігінің жаңа қағидаты енгізілді.